7.5. Takrorlanishdan chiqish. Break va continue operatorlari.

Takrorlanishlarni boshqarish uchun break va continue kabi maxsus operatorlardan foydalaniladi.

break operatori takrorlanishdan chiqish uchun ishlatiladi. continue operatori esa takrorlanishning navbatdagi iteratsiyasiga o'tish uchun ishlatiladi.

Odatda break operatori takrorlanishda shart operatorlari bilan birga qo'llaniladi.

Masalan:

while True:
    ch = input("Chiqish uchun 'Y' klavishini bosing:  ")
    if ch.lower() == 'y':
        break
    s=0
    n = int(input("n="))
    for i in range(1,n+1):
        s += i
    print("Summa(1,...,n)=",s)

Yuqoridagi dasturda foydalanuvchi tomonidan kiritilgan n uchun 1 dan n gacha bo'lgan sonlar yig'indisini hisoblash amalga oshirilgan.

Agar foydalanuvchi yana boshqa son uchun yig'indini hisoblamoqchi bo'lsa, dasturdan chiqib ketmasdan uni davom ettirishi mumkin. Buning uchun u „Y‟ belgisidan boshqa ixtiyoriy belgini ekrandan kiritishi kerak. Bu yerda takrorlanishdan chiqish sharti if ch.lower() == 'y' da tekshirilgan.